Stort og smått, langt og kort, breitt og smalt. Det er stor variasjon i det denne bedrifta leverer. Men med ein fellesnemnar; alt er laga i betong. Og produksjonen blir meir og meir miljøvennleg. Kor er me nå?

Ryfylkepuls er i denne utgåva på bedriftsbesøk hos Norsk Spennbetong på Forsand i Sandnes kommune. Men ikkje åleine, for denne gongen har me med oss ungar. For å få alt fortalt på ein enklast mogleg måte som alle forstår, så er det alltid lurt å ha med seg barn. Då får me også dei ærlege og herlege kommentarane og spørsmåla!

For me lurte jo på; kva er det Norsk Spennbetong held på med? Dagleg leiar Idar Heskestad forklarer at dei produserer betong, medan produksjonssjef Roy Larsen fortel om dei store elementa Norsk Spennbetong leverer rundt omkring i heile landet. Det gjev meining når ungane får forklart at inngangen til tunnelar er laga hos denne bedrifta som ligg ved inngangen til Lysefjorden og Høgsfjorden. Ei godt etablert bedrift med nærare 100 tilsette, som i år har våga og satsa på solcellepanel. Og det angrar dei ikkje på! Ja, verksemda på Forsand produserer 70 prosent meir straum enn dei treng sjølv. Når Norsk Spennbetong i tillegg har fått ned CO2-utsleppa med 40 %, blir drifta meir og meir miljøvenleg.

Har du også lurt på kva Norsk Spennbetong driv med, og korleis det går med solcellepanelet på taket? Sendinga ser du her: Ryfylkepuls – Sjå siste sending her – ryfylkealliansen.no

Og hugs: Nå kan du også sjå Ryfylkepuls på tvvest.no.

Helene Mæhle Gabrielsen, 
Sveisar Norsk Spennbetong