Me satsar på Ryfylkeungdomen!

Ungdomen er framtida, og me bryr oss om ungdomen i Ryfylke! Hjelmeland Sparebank har vore med når Ryfylkealliansen har invitert til Ryfylkequiz, heilt sidan 2016. Nye Rogaland Sparebank ønskjer sjølvsagt å fortsetja det gode samarbeidet, og det er ei stor æra å få vera med når 8. klassingane konkurrerer om kven som veit mest om regionen dei bur i.

Me har late oss imponera over alt ungdomen kan og engasjerer seg i når det gjeld Ryfylke. Det er stor stas for oss som bank å få vera med og bidra til at ungdomen motiverast til å tileigna seg meir kunnskap om Ryfylke, og gir mellom anna pengepremie til dei tre beste laga i quizen.

Ryfylke er ein fantastisk plass å bu, og det største ønsket vårt er at ungdomane ser føre seg ei framtid her. Reis gjerne ut for opplevingar og utdanning, men me håpar at dagens ungdom ser alle moglegheitene som er i Ryfylke, og at dei får lyst til å busetja seg her i framtida.

Neste gong me møter quizfinalistane, spør dei gjerne om lån til å etablere seg i Ryfylke. Då vil me i Rogaland Sparebank satse på dykk igjen, og håpar me blir dykkar bank for framtida. 

Lukke til med årets Ryfylkequiz!

Kathrine Svalestad Veland
Banksjef Rogaland Sparebank, avd. Ryfylke