Få med deg Arena Ryfylke i november. I år skal me til Sauda og datoen er tysdag 12. november. I 2023 var over 130 menneske samla til eit innhaldsrik arrangement i Strand. Nå håpar me mange er klare til å høyra spennande historier, dela erfaringar, knyta kontaktar, bli inspirerte, få siste nytt og nyta Ryfylkemat. Arena Ryfylke passar for alle som er opptatt av og nysgjerrige på næringsutvikling, bulyst og utvikling av Ryfylke.

Tema i år vil fokusera på livsglede, arbeidslyst, ungdom og energi. Og me kan lova ei klassereise, frå Folkets Hus på føremiddagen til Sauda Klubb på ettermiddagen.

Frå kl. 10 til 20 er det eit rikhaldig program, som då startar i storsalen på Folkets Hus, ja arbeidarrørsla si høgborg. Me lovar interessante tema, godt humør og herleg lunsj. Etter kvart skal me på tur rundt i Sauda, og besøkja verksemder i og utanfor Sauda sentrum. Finalen under Arena Ryfylke er i Sauda Klubb, som før var funksjonærane ved smelteverket sin samlingsstad. Gled deg til festmiddag, ryfylkekultur og utdeling av den store Pilt-Ola prisen.

Program og påmelding er tilgjengeleg i siste del av august. Merk at i år vil alle som melder seg på før 10. september, få «tidleg-påmeldings»-pris.

Arena Ryfylke 2024 blir arrangert av Ryfylkealliansen, Ryfylke IKS og Næringsforeningen i Stavanger-regionen, i samarbeid med Sauda kommune og Sauda Vekst.

Sparebanken Vest er hovudsamarbeidspartnar. I tillegg har me med oss fleire gode medspelarar.

Neste Arena Ryfylke: