Denne veka har me reist rundt i Ryfylke og quizza oss fram til ni vinnarlag. Eit lag frå kvar skule som skal representera trinnet sitt under den direktesendte finalen på Finnøy 21. mai.

Det har vore stort engasjement og mykje spenning under skulefinalane, og det er mange ungdomar som har vist at dei verkeleg har god kontroll på næring, ordførarar, kommunevåpen, folk og historie i Ryfylke. Me er imponerte!

Nå blir det fullt fokus fram mot finalen! Kven ender opp som vinnar av den tiande Ryfylkequiz-finalen? Me ønskjer alle lukke til, og gler oss til å møta både finalelag og andre elevar igjen.

Under kan de sjå dei ni laga som har komt seg heile vegen til finalen.

Og du – har du fått med deg at du kan nominera ein Ryfylkeungdom til prisen “Ung Ryfylkehelt”? Les meir her.